Drejtësia e SHBA ka falënderuar policinë shqiptare për bashkëpunimin në lidhje më arrestimin e Sajmir Alimehmeti, i cili ishte një nga mbështetësit ISIS.
Shqiptari furnizonte me armë të ndryshme mbështetësit e tjerë terrorist, ndërsa ishin planifikuar dhe sulme në zonat në të cilën ata jetonin.
Gjithashtu, Drejtori i Përgjithshëm i Policisë së Shtetit Ardi Veliu, vlerësoi strukturat e Drejtorisë së Anti-terrorit për bashkëpunimin me partnerët e SHBA-së në këtë çështje.
Ditën e sotme Prokurori i SHBA-së për Distriktin Jugor të Nju Jorkut Geoffrey S.Berman dhe Zv/ndihmësprokurori i Përgjithshëm për Sigurinë kombëtare Edward C.O’Callaghan, përmes një njoftimi publikuar në faqen zyrtare, u shprehën se Sajmir Alimehmeti, i njohur edhe si “Abdul Qawii”, u gjet fajtor për tentativën për mbështetje materiale ndaj Shtetit Islamik të Irakut dhe Shamit (ISIS), si dhe për falsifikimin e pasaportës me qëllim lehtësimin e një veprimi terrorizmi ndërkombëtar. Alimehmeti, 24 vjeç, banues në Nju Jork, rrezikon të dënohet deri në 25 vjet burg.