Një aksident i rëndë i ndodhur të dielën e kaluar tronditi jo vetëm Shkodrën, por edhe mbarë opinionin publik.
Katër anëtarë të familjes Preka, kryefamiljari Edmond së bashku me tre fëmijët e mitur, Noemin, Ajselin dhe Rajanin humbën jetën, duke mbijetuar vetëm mamaja, Evisa.
Kjo e fundit ndodhet në spital dhe kërkon vazhdimisht të vegjlit e saj, por ende nuk e di se janë përcjellë për në banesën e fundit.
Dje i është dhënë lamtumira edhe Noemit të vogël, e cila pas një jave në koma u nda dy ditë më parë nga jeta, duke thelluar akoma edhe më shumë tragjedinë.
Kunata e Evisa Prekës ka rrëqethur me postimin e saj në rrjetin social “Facebook”. Pas humbi vëllanë dhe dy mbesat dhe nipin, duke postuar edhe foto, ajo i shkruan kunatës, të cilës nuk gjejnë forcë për t’i treguar për ngjarjen e rëndë.
“O nusja e vllaut tem zoti te dhaft forc me perballu humbjen e familjes tane. ti past krishti ne parriz”, – ka shkruar ajo.
Një tragjedi kjo e familjes Preka, që ka prekur të madh e të vogël.
Trishtim, lot dhe dhimbje, ndërsa Evisa Preka ndodhet ende në spital pa ditur gjëmën që i ka ndodhur, shuarjen e familjes.