Është Skënderbeu fituesja e supersfidës së javës së 21 të Kategorisë Superiore.
Korçarët “harruan” akuzat për trukim dhe përballë Partizanit arritën të marrin një fitore minimale 1-0.
Të besuarit e Ilir Dajës vuajtën për të gjetur rrugën e rrjetës, por nëse James e Soëe nuk arritën të shënojnë, ishin lojtarët e kuq që menduan të shënojnë në favor të korçarëve. Kur po luhej minuta e 62-të, mbrojtësi i Partizanit, Gojkoviç ka ngatërruar shenjestër, duke mposhtur Alban Hoxhën. Goli rezultoi fatal për Partizanin që i demoralizoi, duke mos arritur të dalin më në lojën e tyre.
Me këtë fitore Skënderbeu duket se po shkon i qetë drejt titullit kampion, pasi thellon në 13 pikë diferencën me Flamurtarin e vendit të dytë. Ndërsa Partizani mbetet i 6-i në kuotën e 28 pikëve.
Vetëm barazim në takimin mes Teutës dhe Flamurtarit, me të dy ekipet që humbin shumë terren nga rivalën.
Një pjesë e parë ku rastet për gol ishin të pakta, ndërsa rastin më të mirë për të shënuar e kishin Çyrbja dhe Dediç me dy futbollistët e Teutës që nuk ia dolën të mposhtin Nurkoviç.
Në pjesën e dytë ishte radha e kuqezijve për të rrëzikuar por Silvester Shkalla ndali Danilon në momentin e fundit.
Ky barazim pritet t’i shërbej më shumë Teutës që është përfshirë nga një krizë rezultatesh.
