Aktorja e famshme e Bollywood-it, Sridevi Kapoor, është ndarë nga jeta në moshën 54-vjeçare pas një ataku kardiak.
Aktorja e njohur thjesht si Sridevi ndodhej me bashkëshortin dhe vajzën në Dubai për dasmën e nipit të saj.
Lajmi i vdekjes u konfirmua edhe nga kunati i saj Sanjay Kapoor i cili shkroi në Twitter se lajmi që Sridevi ka ndërruar jetë është i vërtetë.
Sridevi filloi të aktronte që në moshën 4-vjeçare. Ajo bëri debutimin e parë në filmin “Solva Sawan”, por famën e madhe e mori me filmin “Sadma”.
Aktorja 54-vjeçare ka luajtur në 300 filma dhe ka marrë disa çmime të rëndësishme si “Aktorja më e mirë indiane”. Ajo ka triumfuar e vetme në karrierën e saj, pa pasur mbështetjen e askujt.
Kryeministri indian, Narendra Modi, ka shkruar se ai ishte “i pikëlluar nga vdekja e parakohshme e aktores së njohur Sridevi”, ndërsa presidenti indian, Ram Nath Kovind , tha se vdekja e saj kishte lënë miliona fansa të mërzitur.