Mbledhja e sotme në Komisionin e Ligjeve nuk ka kaluar pa debate dhe batuta. E teksa ka qenë duke raportuar Besnik Dervishi, Komisioneri për të Drejtën e Informimit, pika e nxehtë ajo e lobimit rus është kthyer në qendër të diskutimeve te ky komision.
Deputeti Alket Hysenaj ka kërkuar të dije nëse ka informacion për lidhjet e PD-së me Nik Muzin dhe Binata Trade, pasi sipas tij, numri i kontaktit i kësaj kompania rezulton nje klub ne Ukraine.
Kaq ka mjaftuar që në mbledhje të plasnin batutat, ndërsa Bylykbashi i ka kërkuar që këtë numër t’ia japë edhe Ulsi Manjës që t’i marrë.
DEBATI
Alket Hysenaj: Keni informacion për lidhjet e partise Demokratike me Nik Muzin dhe Binata Trade.. Nga numri i kontaktit i kësaj kompania, del një klub në Ukraine. TOO LOVE Club.. Takime me vajza ukrainase..
Enkelejd Alibeaj: I paske rënë numrit për takime me vajza nga Ukraina.
Alekt Hysenaj: çfarë mund të na thoni për këto lidhje mes PD-së dhe biznesmenëve rus dhe klubeve të natës. Takimeve me vajzat ukrainase…
Oerd Bylykbashi: I paske rënë disa herë numrit të ukrainaseve.. Jepja edhe Ulsiut.. Ti bjerë edhe Ulsiu.
Ulsi Manja: Zoti Dervishi jepni një përgjigje sepse kjo është një çështje që ka direkt lidhje me të drejtën e informimit.