Era e fortë që pushtoi juglindjen në 24 orët e fundit shkaktoi probleme të shumta në qarkun e Korçës. Disa rrugë në qytet ishin pa ndriçim, ndërsa shumë pemë u rrëzuan si pasoje e erës se forte.
Gjithashtu një pjesë e linjave të energjisë elektrike u dëmtuan duke sjellë probleme me furnizimin. Probleme u regjistruan edhe në zonat e thella malore ku era ishte edhe më e fortë.
Sipas Meteoalb kushtet atmosferike mbeten të paqëndrueshme gjatë pjesës së parë të javës duke sjellë në territor shira të përkohshëm.
Shirat do të jenë në formën e rrebesheve afatshkurtra të martën e të mërkurën, kryesisht në zonat Qendrore dhe Jugore.
Temperaturat e ajrit do të vijojnë me 2 – 3˚C rënie gjatë ditës së martë por rënie më e lehtë pritet të mërkurën dhe të enjten duke shënuar maksimalisht 25 – 26˚C.