Aktualitet

Gjakmarrja vret dhe në Gjermani… 19-vjeçari shqiptar u masakrua me goditje çekiçi në kokë

13:09 - 16.04.18 Gazeta Shqiptare

Gjakmarrja shqiptare vret dhe në Gjermani. Autoritetet lokale në Erbach po hetojnë vrasjen e një 19-vjeçari shqiptar.

Hetimet e para i kanë çuar autoritetet në Evropën Juglindore. Përpara gjykatës së rrethit të Ulmit ka dalë një burrë shqiptar, i cili me sa duket donte të hakmerrej për xhaxhain.

Në maj të vitit 2017 policia pasi u njoftua nga një peshkatar gjeti trupi e një 19-vjeçari nga Shqipëria. I riu shqiptar ishte “joshur” deri tek liqeni dhe atje është vrarë duke u goditur me çekiç në kokë.
Vrasja thonë prokurorët ishte “vazhdimi i një hakmarrjeje”.

Historia nisi në malet e Shqipërisë së veriut.  Nga kjo e hënë, një 46 vjeçar nga Shqipëria me shtetësi gjermane duhet të përgjigjet për vrasje në gjykatën e rrethit Ulm.

Ai dyshohet se ka vrarë 19-vjeçarin: i riu duhet të paguante me jetën e tij për një vrasje që 17 vjet më parë kishte kryer xhaxhai i tij në Shqipëri.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *