Nuk mbarojnë problemet për Facebook. Rrjeti social është paditur pasi ka mbledhur informacione përmes përdorimit të teknologjisë së njohjes së fytyrës, ka vendosur një gjyqtar i Kalifornisë.
Padia pretendon se Facebook ka shkelur ligjin për përdoruesit e shtetit të Illinois, ku rrjeti ka krijuar dhe ruajtur një model të fytyrës që nga qershori i vitit 2011-të.
Facebook tha se rasti është i pavlerë dhe do ta luftojë atë me forcë.
Megjithatë, gjyjkatësi James Donato u shpreh se: “Facebook duket se beson…por sanksionet ligjore mund të arrijnë në miliarda dollarë”.
Vendimi vjen disa ditë pasi shefi ekzekutiv i Facebook, Mark Zuckerberg, u ballafaqua me pyetje intensive nga ligjvënësit amerikanë, mbi grumbullimin dhe përdorimin e të dhënave të përdoruesve.
Zuckerberg gjithashtu do të takohet me zv.presidentin e Komisionit Evropian, Andrus Ansip, në San Francisko këtë javë, raporton Bloomberg.