Një 34-vjeçar që merrej me zhytje është mbytur në Vlorë. Ngjarja ka ndodhur në Karaburun, në vendin e quajtur Shpella e “Haxhi Ali-ut”.
Policia lokale është njoftuar përmes një telefonate, teksa bëhet e ditur se trupi i pajetë i 34-vjeçarit A.H është transportuar në morgun e spitalit Rajonal në Vlorë.
Policia e Vlorës ka ngritur edhe një grup hetimor, i cili po punon për sqarimin e plotë të rrethanave të ngjarjes.
Njoftimi i policisë
Më datë 22.04.2018, Salla Operative Vlorë është njoftuar nga një telefonatë se në Karaburun në vendin e quajtur Shpella e ”Haxhi Ali-ut”, është mbytur shtetasi A.H., 34 vjeç, banues në Tiranë, i cili merrej me zhytje. Trupi i pajetë po transportohet në morgun e Spitalit Rajonal Vlorë. Grupi hetimor po punon për sqarimin e plotë të rrethanave të ngjarjes.
