38-vjeçari Ervin Memo i cili ra pre e një atentati ditën e shtunë ka dhënë deklaratën e tij para hetuesve në lidhje me ngjarjen.
Ai është shprehur se sasia e eksplozivit është aktivizuar sapo është futur në makinë, ndërsa shton se nuk ka asnjë konflikt përveç atij të të pronave.
Gjithashtu nga verifikimet paraprake është konkluduar se 38-vjeçari Memo përdorte kryesisht mjete të tjera për të qarkulluar, ndërsa “Benz”-in në fjalë e linte të parkuar para shtëpisë së tij, aty ku edhe ndodhi ngjarja e rëndë.
Por, veç motivit të dyshuar për konflikte pronësie, janë duke verifikuar të gjitha pistat e mundshme deri në zbardhjen e plotë të rrethanave të ngjarjes.
Emrat e personave me të cilët 38-vjeçari ka probleme nuk janë bërë të ditur për arsye hetimi.
Familja e 38-vjeçarit ka trashëguar troje ne qytetin e Fierit, pranë Unazës së Re, ku është ndërtuar edhe një pallat që është në proces legalizimi.
