Të tjera detaje zbulohen në lidhje me operacionin e zhvilluar gjatë ditës së sotme për shkatërrimin e organizatës që merrej me falisifikimin e vizave.
Mësohet se vetëm sot është lëshuar urdhër arresti për 14 persona, por hetimi për këtë grup të strukturuar ka nisur rreth 1 vit e gjysmë më parë.
Ka qenë prokurori i çështjes Vladimri Mara ai që ka prerë urdhër arrestet për 14 personat të cilët bazën e përpunimit të materialeve e kishin në zonën e “Kodrës së Diellit” në Tiranë.
Ky grup i strukturuar kriminal kishte në pronësi dy laboratorë për falsifikimin e dokumenteve, kryesisht viza të huaja, ndërsa qytetarët paguanin nga 5 mijë deri në 20 mijë euro.
Përgjithësisht ky grupim falsifikonte viza për në SHBA, Kanada dhe Britani.
Ndërsa fillimisht qytetarëve u sigurohej një pasaportë italiane, edhe këto false.
Policia ka marrë indicie pas arrestimit në flagrancë të një personi që tentoi të largohej nga vendi me pasaportë italiane të falsifikuar.
