Gazetarja e New York Times, Ali Watkins, është në telashe të mëdha.
Ajo ka patur një marrëdhënie intime me James Wolfe, ish-zyrtar përgjegjës për sigurinë e Senatit Amerikan, nga i cili duket se ka marrë të dhëna të rezervuara, ndaj media për të cilën ajo punon e ka vënë nën hetim.
Reporterja është autore e shumë skupeve, duke nisur nga ata të publikuar në “Buzzfeed”, deri tek “NYT”, ku punësohet në dhjetor të 2017-s, pikërisht në përfundim të “lidhjes së dashurisë” me funksionarin e lartë.
Mes scoop-eve të publikuara nga gazetarja është edhe ai i takimit të njërit prej këshilltarëve të presidentit Trump, Carter Page, me një ish-spiun rus gjatë fushatës elektorale të viti 2016.
Wolfe përfundoi nën hetim dhe u arrestua më vonë nga FBI, për nxjerrje të sekretit.
Fillimisht ai e mohoi një gjë të tillë, por u detyrua të pranonte më vonë, pasi ishte survejuar për një kohë të gjatë dhe mesazhet që kishte shkëmbyer me gazetaren Watkins vërtetonin akuzat.