Në 53-vjeçar është arrestuar nga policia e Bulqizës pasi ka kryer veprime të turpshme në publik, si dhe ka kundërshtuar me dhunë punonjësit e policisë gjatë shoqërimit për në Komisariat. Uniformat blu kanë bërë të ditur se kanë vënë në pranga Haqif Dishmuçën, 53-vjeç, banues në Burrel ( i dënuar më parë për Mosbindje ndaj urdhrit të punonjësit të policisë së rendit publik).
“Arrestimi i tij u bë pasi në qytetin e Bulqizës, kryente veprime të turpshme në publik, si dhe gjatë shoqërimit për në Komisariatin e Policisë, ka kundërshtuar me dhunë punonjësit e policisë.
Materialet proceduriale i kaluan Prokurorisë Rrethit Gjyqësor Dibër, për veprat penale “Kundërshtimi i punonjësit të policisë së rendit publik” “Goditje për shkak të detyrës”, “Mosbindja ndaj urdhrit të punonjësit të policisë së rendit publik”, “Prishja e qetësisë publike”, si dhe “Vepra të turpshme””, – thuhet në njoftimin e policisë.
