Duket se kohët e fundit çështja e çrregullimeve mendore po prek një masë të madhe të shoqërisë dhe nga kjo nuk mund të shpëtojnë edhe vip-at. Mesa duket, pjesë e saj ka qenë edhe këngëtarja e njohur Dafina Zeqiri.
Ajo nuk e ka thënë drejtpërdrejtë këtë gjë, por kjo nënkuptohet. Dafina Zeqiri ka publikuar në ‘Instagram’ një shkrim të një artisteje amerikane, e cila ka rrëfyer se ajo çdo ditë praktikohet dhe kujdeset për shëndetin e saj mendor. Pas kësaj këngëtarja shqiptare ka thënë se familja dhe fansat e saj nuk e kanë menduar asnjëherë se e ka kaluar dhe ajo këtë gjendje.
“Depresioni është real dhe mund të jetë i dukshëm. Flisni! Kujdesuni për njëri-tjetrin! Mos e merrni mirësinë për dobësi! Mos e merrni dashurinë, besnikërinë dhe suportin të garantuar! Ju dua me gjithë zemër!”,-ka shkruar këngëtarja shqiptare.
