Shteti jugor indian i Keralas gjendet përballë musonit më të egër të pothuajse një shekulli.
Autoritetet vendore thonë se 150.000 persona janë detyruar të braktisin shtëpitë nga vërshimet e pafrenueshme të ujërave, dhe se dhjetëra persona gjatë përpjekjeve të tyre për t’u larguar kanë rezultuar të vdekur.
Rrugë të shumta në zonë janë dëmtuar, linjat e telefonisë celulare kanë rënë dhe aeroporti ndërkombëtar është mbyllur. Të gjitha këto kanë ardhur si pasojë e përmbytjeve masive të shkaktuara nga reshjet e rrëmbyera të këtij muaji.
Sipas kreut te qeverisë vendore Pinarayi Vijayan kanë vdekur rreth 100 persona gjatë 36 orëve të fundit.
Rajonet e goditura me rëndë janë ato veriore dhe qendrore.
Njerëzit e bllokuar nga uji kane lëshuar apele të dëshpëruara në rrjetet sociale, e disa madje kanë përcjellë edhe koordinatat e tyre GPS.
Një numër i madh varkash ushtarake e civile, si dhe avionësh janë mobilizuar në përpjekjet e shpëtimit.
