Policia e Vlorës ka bllokuar një fuoristradë brenda së cilit është sekuestruar 9 kg e 720 gr lëndë narkotike e llojit Cannabis Sativa.
Sipas policisë, lënda narkotike u kap në aksin rrugor Selenicë-Resulaj. Ndërkohë, polica nuk ka mundur të arrestojë poseduesin e lëndës narkotike.
Blutë e Vlorës, po punojnë për identifikimin dhe arrestimin e tij, ndërsa hetimet po vijojnë dhe për identifikimin e personavetë të tjerë në rrjetin e trafikimit të lëndës narkotike.
Njoftimi i policisë
Më datë 16.08.2018, në kuadër të planit të masave kundër prodhimit dhe shitjes së lëndëve narkotike, në aksin rrugor Selenicë-Resulaj, pikat e kontrollit të ngritura posaçërisht për goditjen e këtyre veprave penale kanë bërë të mundur bllokimin e një mjeti tip fuoristradë brenda së cilit është sekuestruar 9 kg e 720 gr lëndë narkotike e llojit Cannabis Sativa.
Po punohet për identifikimin dhe kapjen e autorit. Neni 283/1 i Kodit Penal.
