Ashtu si çdo fundjavë, edhe këtë të shtunë policia ka vijuar kontrollet nëpër pikat kyçe të kryeqytetit lidhur me respektimin e rregullave të qarkullimit rrugor.
Në kuadër të kontrolleve të ushtruara janë hequr 9 leje drejtimi, me drejtuesit që janë kapur me radarë me shpejtësi që varionte nga 150-170 km/h.
Ndërkohë në aksin Tiranë-Durrës ka rënë në pranga një 24 vjeçar nga Tirana, i cili është ndaluar me 170 km/h.
“Drejtuesi i mjetit kesaj here, ishte me fat pasi shpetimtari ishte polici dhe radari e drejtuesi i mjetit shkoi shendoshe ne banese por pa patente.
Te tilla shpejtesi rrezikojne maksimalisht te çojne ne banese patenten pa te zotin.
9 patenta te hequra per shpejtesi qe varionin nga 150-170 km/h.” njofton policia
Blutë e Tiranës apelojnë në fund për të gjithë drejtuesit që të shmangin shpejtësinë e lartë, pasi jo pak herë është kthyer në burim aksidentesh të rënda për jetën.