Del informacioni zyrtar lidhur me aksidentin e ndodhur në aksin rrugor Fier-Levan, ku u përplasën dy makina.
Aksidenti ndodhi rreth orës 11.30 të kësaj të marte, në aksin rrugor Fier- Levan, në vendin e quajtur “Liqeni”, pamjet e të cilit i gjeni në videon më poshtë.
Automjeti tip “Audi” me drejtues shtetasin A.Troka, është përplasur me mjetin tip “Benz” me drejtues shtetasin L.T.
Si pasojë e përplasjes ka ndërruar jetë shtetasja Majlinda Troka 27 vjeçe, e cila ndodhej pasagjere në mjetin tip “Audi” dhe mendohet se ishte rreth gjashtë muajshe shtatzënë.
Gjithashtu është plagosur një fëmijë i mitur pasagjer po në mjetin tip “Audi”. Të lënduar lehtë kanë mbetur edhe dy drejtuesit e mjeteve.
Siç shihet edhe nga pamjet, përplasja ka qenë e fortë dhe ku paraprakisht dyshohet se shkak të ketë qenë shpejtësia e madhe e dy mjeteve.
Aktualisht grupi hetimor po punon për zbardhjen e plotë të kësaj ngjarje
