Trajneri i Republikës Çeke, Karel Jarolim, ka dhënë dorëheqjen nga drejtimi i kombëtares, pas humbjes me rezultatin 5-1, në miqësoren ndaj Rusisë, si dhe asaj ndaj Ukrainës në shtëpi për Ligën e Kombeve, me shifrat 1-2.
Ka qenë vetë Federata Çeke e Futbollit që ka bërë me dije lajmin, ndërkohë që akoma më shumë habisin fjalët e vetë trajnerit pas dorëheqjes. “Ndihem shumë keq, besoj se tani meritoj një ekzekutim publik. I gjithë faji është i imi. Skuadra tani ka nevojë për një shtysë të re”, – është shprehur Jarolim. Jarolim drejtoi Çekinë në 22 ndeshje dhe arriti vetëm 10 fitore dhe 8 humbje. Ekipi i tij pësoi plot 28 gola.
Shfaq Komentet (0)