Të shtunën e 12 shtatorit 1998, ndodhi vrasja e Azem Hajdarit para selisë së Partisë Demokratike.Më 14 shtator, ditën e varrimit të Azemit do të ndodhte një grusht shteti, me mësymjen kundër qeverisë institucioneve shtetërore dhe Radio-Televizionit.
20 vite nga gjunjëzimi i shtetit shqiptar, në ju risjellim edhe njëherë në kujtesë se çfarë ndodhi. Më poshtë do të gjeni disa nga faqet e para të Gazetës Shqiptare të asaj periudhe .
Edhe pse për vite me radhë, Prokuroria këmbënguli se Kryeministria ishte sulmuar në mënyrë të organizuar, në përfundim ajo nuk ia doli mbanë të provojë akuzat e saj ndaj 20 të dyshuarve për kryengritje të armatosur, thënë ndryshe grusht shteti. Në përfundim, në vitin 2008, Prokuroria tërhoqi fashikujt nga gjykimi dhe dosja u arkivua në Lundër.
Vrasja e Azem Hajdarit vazhdon të jetë një çështje e cila ngjall debate. Ndonëse gjykatat shqiptare kanë dhënë dhe dënime për autorët e akuzuar për atentatin ndaj tij, pikërisht njëri prej tyre, Izet Haxhia, i ekstraduar vetëm pak kohë më parë nga Turqia, kërkon që dosja dhe procesi gjyqësor të rihapet.
