Bisedimet do të zgjasin nga 3 deri në 6 muaj. Por një gjë është e sigurt, “Telekom Albania” ka dalë në shitje.
Biznesmeni Spas Rusev, një aksionar kryesor në Vivacom, është duke negociuar blerjen e operatorit të dytë më të madh të telefonisë celulare, Telekom Albania, që është pronë e gjigantit gjerman Deutsche Telekom. Çmimi i transaksionit ende nuk dihet.
Po ashtu në garë është edhe Telekom Serbia si dhe manjati grek Vardi Vardinogiannis, pronar i firmave Motor Oil Hellas dhe Vegas Oil and Gas.
Telekom Albania ishte operatori i parë lokal që u krijua në 1995. Pesë vjet më vonë, ajo u ble nga Grupi OTE grek, që vepron nën markën Cosmote. Në vitin 2009, një aksioner kryesor i grupit OTE u bë Deutsche Telekom.
Të dhënat nga dhjetori 2017 tregojnë se Telekom Albania gëzon 39% të tregut, shërbimet e saj i gëzojnë 1.94 milionë njerëz. Kompania punëson rreth 400 punonjës. /Burimi: economic.bg