I menjëhershëm ka qenë reagimi i Kryeministri Edi Rama, pas arrestimit të djalit të deputetit socialist të Krujës, Rrahman Rraja.
Shefi i qeverisë shqiptare shkruan në Twitter se ai mbështet drejtësinë e barabartë për të gjithë, pavarësisht se kush është i përfshirë.
LEXO EDHE- PD: Edi Rama, në krah të përdhunuesve
“Ndryshe nga ata që dje u bënë mburojë e të kërkuarve nga drejtësia duke i hapur luftë prokurorisë dhe sot po ridhunojnë vajzën për politikë, ne mbështesim drejtësinë e barabartë për të gjithë gjithmonë. Inkurajoj prokurorinë të mos ndalet deri në fund”, shkruan kryeministri Rama.
LEXO EDHE- Rasti Xhiseila, arrestohet djali i deputetit
Arrestimi i djalit të deputetit vjen pak ditë pas publikimit të rastit të Xhisiela Malokut, e dhunuara pikërisht nga djali i deputetit Rraja, në një ngjarje që shkaktoi përplasje me politikës shqiptare, me opozitën që akuzon se u fsheh nga policia.
Çfarë deklaroi Rama të shtunën
Për nën komisarin Nuhu-Një horr i kthyer në hero, ka braktisur detyrën dhe ka përdorur rastin për të fituar azil. Nuk do t’i ndahemi atij horri.
Për vajzën e dhunuar, punën e policisë dhe ndikimin e deputetit: Së pari, jetojmë në një kohë dhe fatkeqësisht në një mjedis ku kjo kohë e mbrapsht e shpifjes së kthyer në terror informativ për qytetarin mishërohet te partia kryesore e opozitës, si zëdhënëse kryesore e kësaj. Unë nuk jam këtu për t’u përgjigjur akuzave haluçinante, të pabazuar si për mua ashtu edhe për kolegët. Sa i përket vajzës, së pari Policia ka bërë detyrën në përputhje me ligjin dhe djali i deputetit nuk ka pasur asnjë trajtim preferencial. Për shkelje të procedurës, një oficer është pushuar nga puna. Vajza e dhunuar meriton vetëm një gjë, drejtësi. Unë mbështes organet e drejtësisë që ta çojnë çështjen deri në fund.
Për akuzat ndaj Taulant Ballës: Sulmi ndaj Taulant Ballës dhe përfshirjen e mediave qoftë edhe me indiferencë ndaj tij, e cilësoi si një qenëri e neveritshme. Sa i përket të atit të djalit, nëse nga hetimi do të ketë një provë të përfshirjes së tij, atëherë më pyesni mua çfarë qëndrimi kam unë.
