Ataku në zemër mund të diagnostikohet me një test gjenetik të vetëm.
Testi i Vlerës së Rrezikut Gjenomik (GRS), është studimi më i fundit, i cili do të diagnostikojë sëmundjet e zemrës dhe do të kushtoj vetëm 40 paund, vlerë kjo e përballueshme për të gjithë individët.
Ky test gjithashtu do të shpjegoj se pse njerëzit që nuk kanë asnjë shenjë të sëmundjeve të zemrës, si kolesteroli i lartë, mund të preken nga ataku në zemër.
GRS mund të matet në çdo moshë, sepse ADN-ja e njerëzve nuk ndryshon, prandaj në teori, edhe fëmijët mund të testohen.
Autori kryesor i studimit, Dr.Michael Inouye, nga Instituti Baker i Zemrës dhe Diabetit dhe Universiteti i Kembrixhit, deklaroi se ndërsa gjysma e sëmundjeve koronare të zemrës (CHD) është kryesisht gjenetike ose e trashëguar, gjysma tjetër varet nga stili i jetës ose mjedisi.
Sëmundjet koronare të zemrës janë ndër shkaqet kryesore të vdekjeve në mbarë botën, duke iu marrë jetën më shumë se 66,000 personave në Britaninë e Madhe çdo vit.
