Një moment tensioni është krijuar në seancën e sotme midis deputetit të PS-së, Bashkim Fino dhe ministrit të Jashtëm, Ditmir Bushati. E ndërsa kryetari i Komisionit të Ekonomisë dhe Financave, Erjon Braçe dhe ministri Arben Ahmetaj kanë diskutuar në lidhje me ligjshmërinë fiskale në Federatën Shqiptare të Futbollit, kjo është shoqëruar me një duartrokitje nga ish-kandidati për president i FSHF-së, Bashkim Fino.
Në këtë moment, ministri i Jashtëm, Ditmir Bushati ka filluar të qeshë, gjest i cili është kapur nga ana e Finos dhe nuk ka mbetur pa përgjigje. “Mos qesh, je i akuzuar nga PD-ja për vjedhje votash. Ktheji përgjigje Saliut e Lulit, atë bëj!”, – i është kthyer Fino-Bushatit.
Shfaq Komentet (0)
