Sezoni i dytë i emisionit të argëtimit në Top Channël “Shiko kush Luan” vazhdon me shumë surpriza. Kësaj here bëhet fjalë për një ndryshim që ka ndodhur në program e që pritet të reflektohet në transmetimin e puntatës së tretë, të shtunën e 13 tetorit. Në një video promovuese publikuar në rrjetin social Instagram nga autorja dhe prezantuesja e emisionit, Luana Vjollca, shihet se në një fragment sekonde në emision shfaqet këngëtarja Filloreta Raçi- e njohur si Fifi- teksa këndon pranë bandës muzikore.
Ndërkohë që nuk shfaqet në asnjë moment këngëtarja e njohur Marsela Çibukaj, e cila ishte e përzgjedhura e këtij sezoni për të kënduar në momente të ndryshme përgjatë emisionit. Në fakt, këtë sezon ishte nënshkruar një kontratë me këngëtaren e njohur shqiptare Marsela Çibukaj, e cila është pjesë e një sërë emisionet që transmetohen në Top dhe nuk dihet nëse Marsela është larguar përfundimisht nga ky emision apo mungesa e saj është thjesht në këtë puntatë. Të shohim nëse është ndonjë ‘zënkë’ apo vërtet largim i këngëtares.
