Aleatët e kancelares gjermane Angela Merkel u përballen me humbjen më të rëndë në 60 vitet e fundit në zgjedhjet që u zhvilluan sot në Bavari. Ky rezultat mund të sjellë ndryshime në qeverinë e Berlinit
Aleatët bavarezë të kancelares gjermane Angela Merkel shkuan drejt rezultatit të tyre më të keq në zgjedhje në 60 vitet e fundit. Votimi rajonal ka gjasa të rrisë tensionet brenda qeverisë së brishtë të koalicionit gjerman.
CSU siguroi 35.5 për qind, sipas parashikimeve të Exit-Poll-ve të publikuara në mbyllje të procesit të votimit, duke humbur shumicën absolute në landin e pasur Alpin, ku kanë pasur mbështetje të plotë që nga vitet 1960.
Rezultati i shkëputur i zgjedhjeve mund ta detyrojë Soeder, i cili ka përjashtuar një koalicion me AfD, në një aleancë të vështirë me të Gjelbrit.
Horst Seehofer , kreu i partisë CSU dhe ministri i Brendshëm në qeverinë federale Merkel mund të përballen me thirrjet për të hequr të paktën një nga postet e tij pas zgjedhjeve bavareze, pasi retorika e tij e ashpër ndaj azil kërkuesve ka gjasa të trembë votuesit. Seehofer ka qenë kritik i ashpër i Merkelit pas vendimit të saj në 2015 për të mirëpritur më shumë se 1 milion azilkërkuesish.
