Dopieta me fanellën e Central Coast Mariners duket se i ka ndezur një dritë të gjelbër kampionit të botës në 100 e 200 metra, Usain Bolt. Ish-atleti i cili është në tentativë për të nisur një karrierë si futbollist profesionist duket se ka marrë ofertën e parë konkrete.
Presidenti i Valletta FC, Victor Sciriha, ka zbuluar në radion “Magic FM” se investitorët e rinj të klubit nga Dubai po flasin me agjentët e xhamajkanit për të gjetur akordin dhe Bolt të nënshtruajë me klubin nga Malta.
Sciriha shtoi se do të takohej me pronarët e rinj të martën për të mësuar më shumë detaje nga negociatat. Drejtori i përgjithshëm dhe drejtori sportiv i Valletta, Ghasston Slimen, i tha “ESPN” të hënën se klubi synon që të ketë kampion olimpik tetë herë në dispozicion për Superkupën Malteze më 13 tetor.
Ndërkohë, agjenti i xhamajkanit, Tony Rallis zbuloi se një klub evropian i ka ofruar klientit një kontratë dyvjeçare.
“Klubi sapo është blerë nga pronarët e rinj që duan t’i kualifikojnë ata në Ligën e Kampionëve”, tha ai, pa zbuluar identitetin e klubit.
Skuadra malteze ka fituar kampionatin maltez pesë herë në tetë vitet e fundit, por nuk kanë shkuar më shumë se raundi i dytë play-off në Ligën e Kampionëve.
Kujtojmë që në sezonin e shkuar, Valletta ishte kundërshtare e Kukësit në raundin e parë kualifikues të Champions, me verilindorët që i eliminuan pas dy barazimeve.
