Ka qenë shumë kritik me Spanjën për pjesën e parë, trajneri Luis Enrike, teksa thekson se në të dytën ekipi i pëlqeu dhe tani është koha që të bëjnë llogaritë për ndeshjen ndaj Kroacisë. Trajneri i “Furisë së Kuqe” pohon me shaka që donte t’i vriste lojtarët gjatë pushimit, por tregon se ishte një moment i mrekullueshëm.
“Isha me nerva sa doja t’i vrisja lojtarët, por i kontrollova. Pastaj gjithçka ishte e mrekullueshme, pasi fola dhe u thashë se edhe ekipet e mëdha kanë momente negative gjatë lojës dhe vuajnë.
Arbitri? Nuk merrem me vendimet e arbitrave. Ato mbeten aty në fushën e lojës. Kroacia? Duhet të shikojmë përpara dhe të përmirësohemi. Ka lojtarë që më pëlqyen shumë dhe më parë nuk ishin në listë. Kam besim te kjo skuadër”.
Shfaq Komentet (0)
