Një i ri ka ndërruar jetë në spitalin e Fierit, pasi është qëlluar me thikë.
Ngjarja ka ndodhur në zonën e “Zogut të Zi”, mësohet se viktima është Denis Vernozi, 16 vjeç, i cili ka shkuar i plagosur në spitalin e Fierit, ku dhe ka ndërruar jetë.
Ndërkohë bëhet me dije, se autori i vrasjes dyshohet se është Florjan Gega,17 vjeç, i cili pas disa orësh është vetëdorëzuar në policinë e Fierit. Dy të rinjtë kanë pasur një konflikt mes tyre, i cili arriti deri në përdorimin e thikës.
Policia po punon për zbulim e plotë të rrethanave të vrasjes së të riut.
Njoftimi i policisë
Policia identifikon autorin e dyshuar të plagosjes me thikë në vendin e quajtur “Zogu i Zi” ku si pasojë e plagëve të mara ndërroi jetë shtetasi i plagosur.
Sot në datën 18.10.2018, rreth orës 16:30 ka shkuar në Spitalin Rajonal Fier i plagosur me mjet prerës shtetasi D.V, 16 vjeç, banues në Hoxharë të Vjetër.
Dyshohet se ngjarja ka ndodhur në vendin e quajtur “Zogu i Zi”, Fier ku pas një sherri mes dy të rinjve ka mbetur i plagosur me thikë shtetasi D.V.
Eshtë shpallur në kërkim si autor i dyshuar i ngjarjes shtetasi F.G, rreth 17 vjeç dhe po punohet për kapjen e tij.
Shtetasi i dëmtuar ka ndërruar jetë në Spitalin Rajonal Fier.
Është ngritur grupi hetimor i cili po punon për zbardhjen e plotë të rrethanave të ngjarjes.
Forca të shumta policie nga Komisariati i Fierit dhe nga Sektori për Krimet e Rënda kanë ngritur pika të shumta kontrolli dhe po punojnë për kapjen e autorit.
