Policia e Shkodrës ka arrestuar 6 persona ditën e sotme të dyshuar si pjesë e një grupi të strukturuar kriminal. Këta persona në bashkëpunim me njëri-tjetërin kryeni aktivitet kryesisht në trafikimin e lëndëve narkotike.
Gjatë operacionit të koduar “Tamara”, u sekuestruan gjithashtu dhe 80 kg lëndë e dyshuar narkotike Cannabis Sativa.
Sipas policisë në pranga kanë rënë Gjeto Pepaj, 44 vjeç, banues në fshatin Tamarë, Malësi e Madhe. Pëllumb Murçaj, 42 vjeç, banues në Vukël, Kelmend, Malësi e Madhe. Lazer Murçaj, 31 vjeç, banues në Vukël, Kelmend, Malësi e Madhe.
Ndue Nilaj, 52 vjeç, banues në Vukël, Kelmend, Malësi e Madhe. Kristian Bujaj, 18 vjeç, banues në fshatin Dobri, Selcë, Malësi e Madhe. Lavdrim Nikaj, 34 vjeç, banues në lagjen ‘Guerrile’ Shkodër.
Mbi të gjashtë të arrestuarit rëndojnë akuzat “Trafikim i lëndëve narkotike” dhe “Prodhim dhe shitje të lëndëve narkotike” në bashkëpunim.
Ndërkohë, policia po punon për të identifikuar persona të tjerë të përfshirë në këtë grup kriminal.
