Në shumicën e rasteve, thonjtë e verdhë tregojnë një infeksion fungal, ky i fundit mund të shkaktohet nga kërpudhat, myku apo majaja. Nëse nuk trajtohet në kohë, kjo gjendje mund të përkeqësohet dhe thonjtë tuaj mund të fitojnë edhe një ngjyrë të gjelbër dhe të bëhen thërrmuese.
Shkaqe të tjera të mundshme të ngjyrës së verdhë përfshijnë plakjen, çështjet e mushkërive të shkaktuara nga pirja e duhanit dhe përdorimi i shpeshtë i thonjve akrilikë me cilësi të ulët. Thonjtë e bardhë me një vijëzim të lehtë në ngjyrë të kuqe në majë mund të jetë një shenjë e dëmtimit të zemrës, dëmtimit të veshkave, diabetit dhe disa problemeve të mëlçisë si hepatiti ose cirroza. Ndonjëherë mund të shkaktohen edhe nga plakja.
Nëse thonjtë tuaj janë shumë të zbehtë, ju ndoshta keni një mangësi ushqyese ose një problem qarkullimi që parandalon gjakun të arrijë majat e gishtave tuaj. Në raste të rënda, kjo mund të çojë edhe në anemi ose në mungesë të hekurit në gjakun tuaj. Thonjtë e kuq të errët mund të tregojnë se keni sëmundje të zemrës. Nëse skuqja shtrihet në anët e thonjve tuaj, kjo mund të jetë një shenjë e një sëmundje autoimune të quajtur lupus.
Thonjtë me ngjyrë vjollcë zakonisht nënkuptojnë se trupi juaj nuk ka oksigjen të mjaftueshëm. Ndër shkaqet e tjera të mundshme janë problemet e zemrës dhe problemet e mushkërive të tilla si emfizema dhe bronkit kronik. Nëse thonjtë tuaj kthehen në ngjyrë kafe, kjo mund të tregojë se keni sëmundje tiroide ose probleme ushqyese. Thonjtë gri të ngjyrosura zakonisht shkaktohen nga marrja e barnave të recetave si pilula antimalarike.
