Kryeministri Edi Rama, i ftuar në “Report TV”, ka folur në lidhje me dorëheqjen e Xhafajt nga posti i ministrit të Brendshëm.
Kryeministri ka mohuar zërat e përplasjes me tyre, duke theksuar se Zhafaj dha dorëheqjen me dëshirën e tij.
Ndërkohë, gazetari Nikollë Lesi, iu drejtua Ramës: E dëbove apo dha dorëheqjen kjo është një çështje që ha detyrim….
Rama: S’ka asnjë diskutim se s’kam pas asnjë arsye…Ka dhënë dorëheqjen me vullnetin e tij të lirë dhe do ketë respektin tim në punën që ka bërë.
Më tej, Lesi foli edhe për deklaratat e Astrit Avdylit, në gjykatën e Apelit të Krimeve të Rënda, të arrestuar në kuadër të aksionit policor “Vol-Vo 4”.
“Janë gjëra groteske se ata që i referohesh i ka arrestuar kjo polici”,tha Rama.
Lesi tha gjithashtu se ka informacione se Rama nuk fliste me ish-ministrin Fatmir Xhafaj.
“E pavërtetë”, tha Rama.
Kreu i qeverisë tha se Xhafaj ishte “i zgjedhur nga unë, i mbështetur nga unë dhe i tërhequr nga detyra me vullnetin e tij të lirë. Ai ka gojë vetë, e ka shprehur vetë, dhe të tjerat janë broçkulla që ziejnë në kazanin mediatik”.
