Sezoni i gripit ka filluar, fëmijët dhe të moshuarit janë ata që mund të preken më lehtësisht dhe gripi më ta është më i ashpër.
Ndaj duhet të tregoheni të kujdesshëm, të visheni mirë dhe të qëndroni larg vendeve të mbushura me njerëz, por gjithashtu duhet të keni parasysh edhe diçka tjetër që do t`ju ndihmojë ta mbani gripin larg.
Virusi mund të përhapet nga persona që janë të infektuar.
Pikëzat mund të hyjnë në organzimin tonë përmes gojës dhe hundës, edhe nëse njerëzit e infektuar ndodhen 2 metra larg.
Virusi i gripit mund të transmetohet edhe kur prekni sipërfaqe si karrige, tavolina apo doreza dyersh që janë të infektuara dhe më pas prekni membranat e mukozës në gojën, hundën apo sytë tuaj.
Kjo do të thotë që për të mbajtur gripin larg duhet t`i mbani duart të pastra. Larja e duarve më sapun dhe ujë është efektive për të reduktuar përhapjen e mikroorganizmave të infektuar.
Limitoni prekjen me duar të hundës, gojës dhe syve.