Rreth 85,000 fëmijë nën moshën pesë vjeç mund të kenë vdekur nga kequshqyerja gjatë tre vjetëve luftë në Jemen, ka deklaruar organizata bamirëse ndërkombëtare “Save the Children”.
“Numri është i barabartë me gjithë popullsinë nën pesë vjeç në qytetin e dytë më të madh të Britanisë së Madhe – Birmingham”.
Kombet e Bashkuara paralajmëruan muajin e kaluar se deri në 14 milionë qytetarë të Jemenit janë në prag të urisë.
OKB po përpiqet të ringjallë bisedimet për t’i dhënë fund luftës trevjeçare, e cila ka shkaktuar krizën më të keqe humanitare në botë.
Jemeni është shkatërruar nga konflikti. Lufta u përshkallëzua në vitin 2015, kur një koalicion i udhëhequr nga Arabia Saudite nisi një fushatë ajrore kundër lëvizjes rebele Huthi, e cila e detyroi presidentin Abdrabbuh Mansour Hadi të largohej jashtë vendit.
