Kancelarja gjermane Angela Merkel në një deklaratë për përplasjen Ukrainë-Rusi, ka theksuar se nuk ka “zgjidhje ushtarake”, pasi udhëheqësi i Ukrainës së fundmi i kërkoi NATO-s që të dërgonte anije në Detin e Azov.
Kërkesa e Petro Poroshenko erdhi pas një konfrontimi detar me Rusinë, ku kjo e fundit hapi zjarr mbi tre anije të Ukrainës dhe konfiskoi ekuipazhet e tyre në ngushticën Kerch.
Merkel tha se kriza ndërmjet tyre ishte “krejtësisht veprimi i presidentit rus”. Megjithatë, ajo tha se “çështjet si këto mund të zgjidhen vetëm me dialog të ndjeshëm”.
Presidenti rus Vladimir Putin akuzoi Poroshenkon për krijimin e “provokimit” detar për të rritur vlerësimet ndaj tij përpara zgjedhjeve të vitit 2019.
Në përgjigje të krizës, presidenti Poroshenko ka zbatuar ligjin ushtarak përgjatë rajoneve kufitare të Ukrainës për 30 ditë.