Presidenti i Shteteve të Bashkuara, Donald Trump, ka biseduar përmes telefonit me presidentin e Turqisë, Recep Tayyip Erdogan, rreth konfrontimit detar midis Rusisë dhe Ukrainës.
Zëdhënësja e Shtëpisë së Bardhë, Sarah Sanders, përmes një deklarate tha: Dy liderët shprehën shqetësim të thellë për incidentin në Ngushticën Kertsh dhe për mbajtjen e vazhdueshme të anijeve dhe anëtarëve të ekuipazhit të Ukrainës.
Erdogan deklaroi se ka biseduar në telefon edhe me presidentin e Rusisë, Vladimir Putin, edhe me presidentin e Ukrainës, Petro Poroshenko.
“Në bisedën time me Putinin, temë kryesore ishte situata që po vazhdon me Ukrainën. A mund të shërbejmë në rolin e ndërmjetësuesit? E kemi diskutuar këtë çështje me të dyja palët”, tha Erdogan.
Rusia ka aneksuar tri anije të Ukrainës dhe ka arrestuar ekuipazhin e saj në brigjet jashtë Krimesë, duke thënë se ato kanë kaluar ilegalisht në ujërat e saj. Paraprakisht, ajo ka hapur zjarr, duke plagosur gjashtë ukrainas.
