Sport

Hetimet/ Shkaku i rrëzimit të helikopterit të presidentit të Leicesterit

17:01 - 06.12.18 Gazeta Shqiptare

Hetimet kanë zbuluar se helikopteri i ish-pronarit të Leicester Cityt, Vichai Srivaddhanaprabha, u rrëzua për shkak se ishte liruar një kunj në mekanizmin kontrollues për rrotullimin e helikave.



Një raporti i veçantë i publikuar nga Bordi për Hetimin e Aksidenteve Ajrore (AAIB) thekson se hetimi është fokusuar në sistemin e kontrollit në helikën e helikopterit, për të cilin agjencitë e sigurisë kanë bërë thirrje të kontrollohet në të gjitha modelet e ngjashme të këtij helikopteri.

Ky hetim ka zbuluar se ishte liruar një kunj në mekanizmin që i vë në lëvizje helikat e helikopterit, dhe kjo gjë e kishte shkaktuar rrëzimin, pasi piloti nuk kishte arritur ta kontrollonte më helikopterin.

Të dhënat e kutisë së zezë tregojnë se helikopteri mori kthesë të papritur në të djathtë kur pedali është dashur në fakt ta drejtonte atë në të majtë.

Ky helikopter i kishte bërë katër fluturime të suksesshme ditën e rrëzimit, duke e sjellë Vichain dhe mysafirët e tij nga Londra në Leicester për të parë ndeshjen, dhe pastaj një fluturim të shkurtër për t’i marrë ata pas ndeshjes.

Pesë persona në total humben jetën në këtë aksident tragjik, më 27 tetor, Vicahi, dy anëtarë të stafit të tij, Kaveporn Punpare dhe Nusara Suknamai, piloti Eric Swaffer dhe pasagjerja Izabela Roza Lechowicz.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *