Protestë masive sot e studentëve. Pas mbledhjes nëpër fakultetet respektive, ashtu siç edhe kanë paralajmëruar, ata do të nisin në orën 10:00 marshimin drejt Ministrisë së Arsimit.
Gjithashtu, studentët kanë ftuar edhe gjimnazistë e qytetarë të thjeshtë që t’i bashkohen protestës së tyre.
Sot mësohet se edhe studentët nga rrethe të ndryshme si Vlora, Korça, Elbasani janë nisur drejt Tiranës.
Ora 16:00 është afati i fundit që studentët i kanë vënë qeverisë për plotësimin e 8 kërkesave të tyre. Ndërkohë, në të kundërt bashkërisht do të vendosin për format e përshkallëzimit të protestës.
Një ditë më parë, kryeministri i Shqipërisë, Edi Rama bëri me faj rektorët e universiteteve për VKM, dhe disa herë u përpoq të nënvizonte se nuk kishte lidhje qeveria me tarifat dhe nëse duheshin plotësuar kërkesat duhej dialog pasi qeveria nuk mund të ndërhynte pasi vendimmarrja ishte e Universiteteve të cilat janë autonome.