Studentët duket se nuk ndalen. Kushtet e këqija atmosferike nuk i kanë penguar aspak studentët të protestojnë, ndërsa kanë hyrë në ditën e 10-të të protestës. Ata kanë marshuar drejt kryeministrisë, ku kërkojnë realizimin e tetë kërkesave të tyre.
Të gjithë jane mbledhur në orën 8:30 në fakultetet e tyre dhe prej nga aty kanë nisur marshimin në drejtim të bulevardit “Dëshmorët e Kombit”.
Në thirrje, theksohet se protesta duhet të vazhdojë paqësisht dhe për asnjë moment nuk duhet të përshkallëzohet, deri në një moment të dytë.
Studentët prej ditësh kërkojnë plotësimin e 8 kërkesave dhe se nuk heqin dorë nga një gjë e tillë.
Nga ana tjetër, numri një i Qeverisë, Edi Rama nëpërmjet deklaratave për mediat apo dhe postimeve në rrjetet sociale nuk lëshon ‘pe’, duke i bërë të ditur studentëve se kërkesat e tyre do të zgjidhen vetëm përmes dialogut.