Në lajmet tona të “show-bizz”-it, në rubrikën “nostalgji” mund të gjeni fotografi, lajme apo intervista të veçanta, të publikuara gjatë viteve në suplementin “Bluetooth” të “Gazetës Shqiptare”. Në GSH.al, sot po ju sjellim: Çiljeta Xhilaga, Miss-i mes Miss-eve
Miss Globe International” do të sjellë për të shtatin vit rradhazi në Shqipëri 50 Miss-e nga 5 kontinente. Një garë e përvitshme mes më të bukurave për një trofe, i cili është edhe i treti më i rëndësishëm në botë pas “Miss World” dhe “Miss Universe”. Shqipëria në këtë eveniment do të përfaqësohet nga Nevina Shtylla, Miss Shqipëria 2010. Por ajo që mund të veçohet si surpriza e parë që na ofron ky spektakël është prezantimi. Çiljeta Xhilaga, e cila ka qenë dikur konkurrente në “Miss Shqipëria” dhe ka fituar titullin “Miss Kinemaja” në atë kohë është përzgjedhur për të prezantuar këtë event.
Producenti i këtij eventi, Petri Bozo në konferencën për shtyp që u organizua dje në “Dajti Tower Hotel Belvedere” u shpreh se “Çili do të ketë jo vetëm anën e prezantimit por edhe atë të showgirl-it në këtë eveniment. Ndërkaq ajo i rikthehet prezantimit të Deliartit mbas 8 vjetësh kur ka prezantuar edicionin e dytë të “Netët e Klipit Shqiptar”. Për vetë bukuroshen kjo është një sfidë e re që i ak vënë vetes. “Unë i rikthehem mbas kaq vitesh prezantimit dhe sigurisht që e kam me një emocion të madh pasi jo vetëm që kam vite që merrem vetëm me muzikë por është edhe emocion i madh të prezantosh, krenari që të kem në krah dy njerëz profesionistë. Shpresoj që të dali shumë bukur dhe të punosh me Deliart është kënaqësi”. Në skenë pikërisht Çili do të jetë përkrah dyshes së njohur Enkel Demit dhe Eduard Ogës.
Eventi
“Miss Globe International” shënon edicionin e tij të 37-të, ndërsa Deliart Association ka rinovuar kontratën edhe për 5 vjet të tjera Miss Globe, çka do të thotë se deri në vitin 2014 “Miss Globe” do të qëndrojë në Shqipëri. Përsa i përket këtij kompeticioni duke filluar nga dita e sotme deri më datë 14 shtator do të mbërrijnë të 49 vajzat nga 5 kontinentet për të nisur pastaj sipas një kalendari takimet dhe vizitat turistike nëpër Shqipëri. (Në axhendën e tyre është parashikuar lëvizje me teleferik, shëtitje me motorra Harley Davidson, vizita në Muzeun Kombëtar, Galerinë e Arteve, Pallatin e Kulturës, Dhomën e Tregtisë, takime me personalitete të vendit, për të vazhduar udhëtimin në Sarandë ku përveç ndalesave në Butrint, Finiq dhe vende të tjera arkeologjike do të ketë edhe një tur në komunat që rrethojnë Sarandën, Delvinë, Lukovë dhe Konispol)
Nata finale do të jetë në 25 shtator nga tarraca e Hotel Grand (Sarandë), ku do të ndërtohet edhe një skenë gjigande që do të përfundojë në det. “Për herë të parë në ekranet e televizorit do të shohmi një skenografi e derdhur mbi ujë e rrethuar me jahte. Është bërë një marrëveshje nëpërmjet shoqatës së jahteve të Korfuzit e cila do të vijë në natën finale për të qenë në dobi të skenografisë sonë” shpjegon producenti Petri Bozo.
Gjatë tureve në jug të Shqipërisë do të shpallen siç do vit edhe Miss Bikini, Miss Talent Shoë dhe Miss Queen. Këto tre tituj jepen përpara natës finale.
Ky shkrim u botua më 11 Shtator 2010