Policia e Durrësit prej disa kohësh po tregohet e paaftë për të vendosur rend dhe siguri në qytet, ndërsa shumë ngjarje mbahen të fshehura. Një ditë pas ngjarjes së rëndë që ndodhi në Shkozet, ku u grabit një biznesmen dhe u terrorizua familja e tij, nga policia e Durrësit nuk ka asnjë lëvizje.
Mbrëmjen e së shtunës, tre persona të armatosur e të maskuar, pasi kanë ndjekur lëvizjet e biznesmenit Elton Kelmendi, që ka aktivitet në fushën e transportit, i kanë zënë pritë pranë shtëpisë.
Në çastin kur është kthyer me të birin në banesë nën kërcënimin e armës kanë hyrë në banesë dhe pasi i kanë lidhur u kanë marrë një shumë të konsiderueshme parash që familja e kishte në banesë, sipas policisë 10800 euro.
Gjatë largimit për të shmangur ndjekjen kanë marrë me vete djalin e biznesmenit të cilin e kanë lënë të lirë disa minuta më vonë.