Kreu i grupit parlamentar të PS, Taulant Balla ka folur në lidhje për dekretimet e ministrave të rinj nga presidenti Ilir Meta.
Po ashtu, Balla duke folur nga Elbasani, e quajti dhe të pa përshtatshme mosdekretimin ende të kryeministrit Edi Rama edhe në postin e ministrit të jashtëm, pas refuzimit të Gent Cakës në këtë post.
Kreu i grupit parlamentar të PS, tha se sot brenda orës 17:00 duhet të marrë fund ngërçi i dekreteve nga Meta pasi të gjithë kandidatët plotësojnë kriteret.
Për Ballën, Meta nuk mund të bëj opozitë duke refuzuar dekretimet e ministrave të propozuar nga kryeministri Edi Rama
“Deri në orën 17:00, Meta t’i japë fund një historie të pakuptimtë dhe të marrë fund ngërçi i dekreteve. Meta nuk mund të sillet si kreu alternativ i opozitës. Presidenti të bazohet në Kushtetutë”- tha Balla.