Kryeministri Edi Rama ka folur ditën e sotme për protestën e studentëve, teksa shton se për problemet e tyre në kuadër të bashkëqeverisjes do të ketë një dritare të veçantë, ku studentët mund të pyesin dhe të shprehin problemet e tyre të cilat do marrin përgjigje.
Sipas kreut të qeverisë Edi Rama tha se një dritare të veçantë për studentët do ketë edhe në faqen e Ministrisë së Arsimit në facebook.
“Në platformën e bashkëqeverisjes do ketë një dritare të veçantë për studentët, të cilët mund të bëjnë pyetje dhe të marrin përgjigje për pakënaqësitë që kanë. Edhe Ministria e Arsimit do çelë në Facebook një dritare për të gjitha pyetjet që shqetësojnë studentët lidhur me tarifat apo për cdo paqartësi që kanë”– tha Rama.
Kujtojmë se një pjesë e studentëve vijojnë bojkotin dhe ngujimin në fakultete në shenjë proteste, ndërsa kërkojnë plotësimin kërkesave të tyre përfshirë edhe anulimin e ligjit për arsimin e lartë.
