Altin Balliu, banues në Slabinjë të Pogradecit është 30-vjeçari i cili është vrarë mbrëmjen e djeshme në Korçë me armë zjarri në rrethana ende të paqarta.
Ngjarja ka ndodhur rreth orës 21:25 në Lagjen Nr.10, ndërsa të tjera detaje kanë dalë në dritë nga ky krim i rëndë që tronditi Korçën. Kanë qenë kalimtarët e rastit ata që kanë lajmëruar policinë, pasi kanë parë në trotuar një trup të pajetë.
LEXO: Vritet me plumb në kokë 30-vjeçari
Burime për Gazeta Shqiptare kanë bërë të ditur se autori i identifikuar si Olger Mustafaj është me precedentë penalë të mëparshëm dhe se është banor i lagjes ku ndodhi vrasja.
Nga sa mësohet, 30-vjeçari është qëlluar me plumb në syrin e majtë. Po ashtu bëhet e ditur se vrasja ndodhi në një lokal pas një konflikti që autori kishte pasur me viktimën dhe shokët e këtij të fundit.
Mësohet se, i gjithë sherri kishte nisur për bllokimin e rrugës me makinë nga shokët e 35-vjeçarit, që mbeti i vrarë.
Pranë trupit të viktimës ndodhej një automjet, që është qëlluar me plumb në kofano.
