Pas dekretimit të Presidentit Ilir Meta, kryeministri Edi Rama është zyrtarisht dhe ministri i Jashtëm i Shqipërisë. Ditën e sotme kryeministri ka shkuar për herë të parë në zyrën e tij në ministrinë e Jashtme.
Në këtë institucion Rama është pritur nga ish-ministri Ditmir Bushati, ku po zhvillojnë së bashku dhe një takim të rastit.
Pas votimit të dekretit në Kuvend, Rama ditën e djeshme bëri dhe betimin si ministër i Jashtëm. Ndërkohë, në këtë takim, Rama i ka deleguar kopetencat e kësaj ministrie Gent Cakajt, i cili më herët u refuzua të dekretohej nga Presidenti Meta duke e cilësuar si person i papështatshëm për këtë post.
“Unë i nënshkruari Edi Rama i delegoj zotit Gent Cakaj zv. ministrit detyrën e drejtimit të Ministrisë për Eruropën dhe Punët e Jashtme brenda dhe jashtë vendi”.
Ndërsa në fjalën e tij, Cakaj u shpreh se politika e jashtme e Shqipërisë nën drejtimin e tij nuk do ndryshojë. Ai komentoi edhe hezitimin e dekretimit të tij nga ana e presidentit Ilir Meta dhe tha se rinia e tij është konsideruar faj.
“Ndjehem më i lehtësuar sepse më është komunikuar detyra e lartë. Me kompetenca të deleguara nga Edi Rama, nën vëzhgimin e tij është një status i garantuar. Mosha e re është burim energjie. Pavarësisht sfidave të mëdha Shqipëria qëndron në kuotën më të lartë të përfaqësimit diplomatik. Shqipëria qëndron më afër se kurrë për hapjen e negociatave. Jemi në fazën e pakthyeshme për të kurorëzuar kryesimin e OSBE-së për vitin që vjen. Nuk di sit a falënderoj Ramën për besimin që më ka dhënë. Do të vazhdojmë me energji të reja dhe qasje proaktive. Do të mbetemi forcë e paqes dhe stabilitetit. Bartëse e ideve të zhvillimit në mes të mjeteve të dialogut dhe bashkëpunimit me fqinjët. Duam të rrisim komunikimin me faktorin shqiptar. Do të jemi sa më afër tyre. Rruga e Shqipërisë për në familjen europiane kalon në procesin e konsolidimit në rajon. Shqipëria duhet të jetë e angazhuar për të realizuar këtë synim. 5 muajt e ardhshëm do të jenë punë pa orar”, tha Cakaj.