Bisedimet e kongresit amerikan, mbi një marrëveshje sigurie kufitare, kanë ngecur duke rritur mundësitë që qeveria të mbyllet sërish.
Negociatorët po shpresonin për një marrëveshje ditën e hënë, për t’i dhënë kohë Kongresit për të kaluar legjislacionin deri të premten, kur përfundon marrëveshja e financimit federal.
Kongresmenët kanë qëndrime të kundërta, së pari në numrin e imigrantëve pa dokumente që mund të mbahen dhe së dyti tek fondet për murin e premtuar nga Presidenti Trump.
Mbyllja e mëparshme e qeverisë, që zgjati 35 ditë, ishte më e gjata në historinë amerikane.
Qindra mijëra punëtorë mbetën pa punë, ndërsa të tjerë kryesisht në shërbimet thelbësore si: spitale, kontrolli i trafikut ajror dhe zbatimi i ligjit, punuan pa pagesë.
Sipas agjencisë së lajmeve “Reuters”, nuk ishte e qartë se si negociatorët do të përpiqeshin të arrinin një marrëveshje, pasi nuk ishin planifikuar bisedime të mëtejshme.