Ministri i Brendshëm, Sandër Lleshaj, vetëm një ditë pas video-skandalit të publikuar në media, ku efektivi i policisë, Berhan Bajrakurti duke ngacmuar seksualisht një 15-vjeçare, i dërgonte asaj video intime ka shkuar në Malësi të Madhe.
Lleshaj do të zhvillojë një takim me autoritetet lokale të kësaj bashkie, ndërsa është shoqëruar në këtë takim nga drejtori i policisë së Shkodër, si dhe kryetari i Malësisë së Madhe.
Ndonëse ishte parashikuar që të zhvillohej një takim në komisariatin e policisë, kjo është anuluar. Ndërsa ende nuk dihet se cilat kanë qenë porositë e ministrit të Brendshëm. ‘Po kërkojmë denonuesin, por nuk po e gjejmë”, – ka thënë Lleshaj.
Pas takimit me autoritetet lokale, ministri i Brendshëm, Lleshaj u shpreh për mediat se pyetja që duhet të ngrihet është: Kush është denoncuesi?
“Fytyra e policëve është fytyra ime dhe e juaja dhe e gjithë shoqërisë, na përfaqësojnë të gjithëve ne”. I pyetur se a ka ndonjë denoncim, ai tha: “Ai është i arrestuar nga policia. Policia e shtetit po kërkon që mbrëmë dhe denoncuesi nuk gjendet. Kjo është pyetja kryesore. Kush është denoncuesi?”, – tha Lleshaj.
Një ditë më parë, ministri i Brendshëm, Lleshaj u shpreh se ai identifikohet me policët që sot arrestuan një pervers, me policët që sakrifikojnë natë e ditë duke shërbyer.