Në lajmet tona të “show-bizz”-it, në rubrikën “nostalgji” mund të gjeni fotografi, lajme apo intervista të veçanta, të publikuara gjatë viteve në suplementin “Bluetooth” të “Gazetës Shqiptare”. Në GSH.al, sot po ju sjellim:
Për inat të vjehrrës, shkova me mullixhinë!
Noçja sapo është ndarë me Olsin duke e quajtur të dashurin e saj si problematik me veten, ndërsa ky i fundit nuk e pranon ndarjen. Megjithatë gjatë kërkimeve tona se si e kalon kohën vajza e famshme e BB 1, gjetëm këtë fotografi të saj me Enean i cili ka qenë i dashuri i Ingrid Gjonit. Ajo ka kërcyer me të në një klub nate, madje dhe kanë dalë në fotografi së bashku duke pozuar. Ndërkaq nuk u desh shumë kohë të gjenim dhe inversin e situatës që përkon me Olsin dhe Ingridin të cilët janë fotografuar në pub duke komunikuar sëbashku. Se kush e bën për inat, atë vendoseni ju.
Fluturon …fluturon….Floriiii!
Që Flor Binaj ka pasion të imitojë Edi Ramën, këtë e shohim çdo fundjavë në spektaklin portokalli. Por ne nuk kemi ditur një tjetër pasion të tij: ja ku e shohim në këto foto tek “Albanian Open” të Alket Islamit. Pasioni i ri i Florit, por që ndërkohë e ka marrë me frikë, është ai fluturimit me parashutë. Në fakt, nuk është një iniciativë që e ka marrë vetëm, por me vete ka pasur edhe shoqërues, më saktë për të orientuar parashutën. Por më shumë sesa të kishte mendjen tek hedhja e vështirë nga Llogaraja, Flori, e ka pasur mendjen për të bërë fotografi, vetëm kështu, do të mund të tregonte se e kishte kaluar këtë sprovë të vështirë, të cilën duket po ashtu e ka marrë me sportivitet dhe humor. Por ne akoma nuk e dimë nëse Flori vërtet do të marrë përsipër vetë që të bëjë hedhje të tilla në të ardhmen.
Ky shkrim u botua më 16 Tetor 2010