Pistoletë, sëpatë, kaçavida… Plas sherri mes shqiptarëve në Itali, 6 në pranga

Gjashtë shtetas shqiptarë janë arrestuar nga policia italiane pas një sherri masiv në Via Mola.

Sipas mediave italiane ajo që filmuan kalimtarët e rastit ishte një skenë e frikshme që shkaktoi panik tek të gjithë.

Sipas dëshmitarëve, shqiptarët e përfshirë në sherr kishin me vete pistoletë, sëpatë dhe kaçavida.

Fillimisht policia ka arrestuar 4 nga shqiptarët dhe më pas edhe 2 të tjerët të cilët kanë tentuar të fshihen. Nuk dihen ende shkaqet dhe motivet e sherrit mes shqiptarëve të cilët kanë terrorizuar banorët. Të arrestuarit janë dërguar në paraburgim në pritje të gjykimit.