Mediat kanë publikuar sot raportin për lirinë e medias nga organizata botërore “Reporterët pa kufij”.
Liria e medias në Shqipëri ka rënë me 7 vende, duke u listuar tashmë në vendin e 82, nga 180 vende gjithsej.
Ky raport është bërë shkas që në drejtim të Ramës të ketë kritika të shumta, por kreu iqeverisë nuk ka vonuar të përgjigjet.
Ai i konsideron moralistët “virgjëresha” që kanë vrarë qytetarë e që kanë rrahur e plagosur gazetarë.
“Një pasqyrë kujtese “virgjëreshave” që vrisnin qytetarë, rrihnin e plagosnin gazetarë dhe sot bëjnë moral! Ka ende shumë për të bërë për lirinë e medias dhe ndarjen e lumit të informacionit nga llumi i kazanit po ashtu. Por me këtë qeveri s’ka media të shantazhuar e liri të mohuar!”, shkruan Rama.
Bashkangjitur këtij shkrimi Rama ka publikuar edhe fotografinë e renditjes së Shqipërisë për lirinë e medias nga viti 2014 deri në vitin 2018.
